Iceland Seafood International hf: Endurfjármögnun lokið
Iceland Seafood International hf. („ISI hf.“) hefur með góðum árangri lokið endurfjármögnun fyrir árið 2025. Með þessari endurfjármögnun styrkist fjárhagsstaða félagsins verulega, meðal annars með endurskipulagningu skulda, lækkun vaxtakostnaðar og bættri lausafjárstöðu.
Í apríl 2025 lauk ISI hf. við umfangsmikla endurfjármögnun með útgáfu skuldabréfsins ICESEA 28 10 til 3,5 ára. Með útgáfunni lækkuðu skammtímaskuldir um 27,6 milljónir evra, á meðan langtímaskuldir hækkuðu um sömu fjárhæð. Vaxtakjörin nema nú um 5,2%, þegar tillit er tekið til gjaldmiðlaskiptasamninga, miðað við núverandi gengi og Euribor vexti. Skuldabréfið ICESEA 25 06, sem bar 13% flata vexti, þar af 7,35% eftir rof á skilmálum í kjölfar sölu Iceland Seafood UK haustið 2023, var greitt upp 23. Júní 2025. Þessi endurfjármögnun mun leiða til verulegrar lækkunar á vaxtakostnaði félagsins.
Endurfjármögnun erlendra bankalána hefur skilað á milli 0,5–1,0 prósentustigi lægra vaxtaálagi. Lánasamsetning samstæðunnar hefur einnig verið einfölduð, sem stuðlar að aukinni yfirsýn og skilvirkari rekstri.
Víxlar, sem gefnir voru út í apríl og júní sem hluti af þessari endurfjármögnun, nema samtals 2,7 milljörðum ISK með flötum vöxtum á bilinu 8,5–8,7% (71 til 72 punkta álag á 6m Reibor). Þeir hafa verið færðir yfir í evrur með gjaldmiðlaskiptasamningum og eru til 6 mánaða.
Í kjölfar þessarar endurfjármögnunar standa langtímaskuldir ISI hf. nú í um það bil 35 milljónum evra. Hlutfall langtímaskulda hefur aukist og jafnvægi náðst milli langtíma- og skammtímaskuldbindinga, sem styrkir fjárhagsstöðu félagsins og eykur sveigjanleika í stefnumótun.
Forstjóri félagsins, Ægir Páll Friðbertsson, segir:
„Það gleður mig að endurfjármögnun okkar fyrir árið 2025 er nú lokið. Með endurfjármögnun skuldabréfs með nýju skuldabréfi til 3,5 ára, einföldun skuldasamsetningar okkar og lækkun vaxtakostnaðar, höfum við skapað sterkan grunn fyrir áframhaldandi heilbrigðan rekstur og svigrúm til vaxtar. Með lækkandi vöxtum og jafnvægi í skuldasafni erum við í sterkri stöðu til að viðhalda fjárhagslegum stöðugleika og fylgja eftir rekstrarmarkmiðum.“
© 2025 GlobeNewswire, Inc. All Rights Reserved.
